जिते पछी आफ्नो रुप, सिंगारेर गयौ तिमी !
बगैँचाको रुप रङ्ग, बिगारेर गयौ तिमी !!
हातथामी जुनी-जुनी, साथदिने बाचागरि
एक्लो पारी बगरमा, पछारेर गयौ तिमी !
नजरको बाटो हुँदै, दिलको शंघार टेकेपछी
आफु खुशी सुनाखरी, लतारेर गयौ तिमी !
अश्मिताको पर्दा हाली, फूलबारी जोगाउँ भन्थें
हातलाई त्यो पर्दा नी, उधारेर गयौ तिमी !
लुकी छिपी माया लायौ, सँगै बाच्ने कसम खायौ
इच्छा पुरा भयो अर्कै, सिहारेर गयौ तिमी !
No comments:
Post a Comment