पर्देश्का माइती घर, नआएको बर्षौ भयो !सप्तरंगी टिका लाउँन, नपाएको बर्षौ भयो !!
हाट-बजार मेला-पात,रोदीघरमा झ्याउरे गाउँछु
तिहारमा देउशी भैलो, नगाएको बर्षौ भयो !
माला उनि गला भरि, नलाएको बर्षौ भयो !
भाई आउँने बाटो ऋणले, थुनेरपो हो कि कतै
चेली सम्झी तिहारमा, नधाएको बर्षौ भयो !
एक्लै एक्लै पर्देशमा, बाध्यताले हाँस्दै होलान
माइती घरमा खुशियाली, नछाएको बर्षौ भयो !बाचा थियो पोहोर सालको, पुरा गर्ने हो कि यो साल
चाडपर्वमा आमाले गाँस, नखाएको बर्षौ भयो !
No comments:
Post a Comment