गज़ल-- झ्याउरे

 

आँशुका घुड्का पिंउदै  होलान्, भाइ मेरा  पाखामा !

बिगतको झल्को झल्झली आउँछ, यी मेरा आँखामा !!

टोलाउदै होलिन ति रोगि आमा, मुलबाटो हेरेर

गलाको  जन्जिर काट्नलाइ मैले, सकिन  भाकामा !



सुन्दैछु आज दाईले बाटो, बिराए भनेको
बैनीको इज्जत् बचाउँने कोहि, छैनन् रे साथमा !


पुरानो  छानो  नसकी फेर्न, मझेरी ताल् भा'छ
यो रात जाओस् दिनसँगै टिन, किनौला लाखमा !


नदेखे मैले नपाएँ भोग्न , कस्तो थ्यो   खोइकोनी
चाहना मेरो बिगतको  सान्ति, खेलाउँने काखमा !