गज़ल - तिमले

नितम्वलाई चुम्ने केश, काटी सबै फाल्यौ  तिमले ? 

फरिया र ढाका चोली, खोइ त कता  हाल्यौ तिमले ??

नारीलाई घर भन्थ्यौ, संस्कृति र संस्कारको
यति राम्रा  विचार थिए,  कुन अग्निमा गाल्यौ तिमले ?

सारंगी र मादललाई, सिगौरामा सिउरिएर
आज भोलि इङलिस् पप, गाउँन पनि थाल्यौ तिमले ?

चुरा पोते सिन्दुरलाई, दराजमा थन्क्याएर
अर्ध नग्न भइ आज,  आफ्नै इज्जत बाल्यौ तिमले ?

म भन्दिन सबै तिमले, गलत मात्र गर्यौ भनि
भूल गरि कु बाटोमा, पाइला भने चाल्यौ तिमले !!!