गजल - चाएकी छु

कोसेली यो तिम्रो लागि, आफ्नै जिवन ल्याएकी छु
तिम्रै निम्ति माइती घरको,सँघार नाँगी आएकी छु


मारे पाप पाले पुन्य, तिम्रै जिम्मा लगाई दिए
माइती घरमा छोरी थिएँ, बुहारी नाम पाएकी छु


तिमी भए पुग्छ मलाई, मायाँ गरि लुकाउ मनमा
ग्रहण होइन भाग्य माथि, जुन बनि छाएकी छु


तिमी र म सहयात्री, हाँसो आँसु बाराबरी
तिम्रै नामको गीत बनाइ, मन् मनै गाएकी छु


हिजो सम्म कुमारी थेँ, आज तिम्री श्रीमती हुँ
तिम्रै सन्तान जन्माएर, आमा बन्न चाएकी छु