मेरै मनको आँगन् टेकी, आँखा किन तर्छौ तिमी !
छैन माया भन्छौ फेरी, सामु किन पर्छौ तिमी !!
देबी देउता भाकेकी थें, तिम्रै साथ पाउँ भनि
के को कमि पायौ ममा, घृणा किन गर्छौ तिमी !
मेरो आस्था विस्वाशलाइ , कुल्ची हिड्दा दिल् दुखेन ?
मनको दरबार फर्की आउ, डेरा किन सर्छौ तिमी !
मेरो संसार तिमी नै हौ, सिँन्दुरको होलि देउ
तिम्रै लागि यात्रा गर्छु, काँडा किन छर्छौ तिमी !
पैले मेरै तनमा खेली, प्यासी नयन ठण्डा गर्यौ
आज भोलि नजरमा, आक्रोस किन भर्छौ तिमी !
सोचेको त थेंन मैले, यति स्वार्थी हुन्छौ भनि
माया गर्छु महल नधाउँ, नजर बाट झर्छौ तिमी !
No comments:
Post a Comment